CroALa, 2024-04-29+02:00. Nodus 152051 in collectione croala.
Functio nominatur: /node/croala/152051.
675. [674.] De poetis aliena carmina recitantibus.Ex apologo Aesopi Krša Furtiva ornavit se se cornicula pluma, Inter aves miram praebuit et speciem. Fraus deprensa mala est; proprios sibi quaeque colores Iratae magno cum strepitu repetunt. Illa suas flevit spes ac vota irrita, risum Et dedit aligero nuda relicta gregi. Haec tibi dicta puta, furtivo carmine laudem Venaris docta quisquis in Arcadia.