CroALa, 2024-04-28+02:00. Nodus 150713 in collectione croala.
Functio nominatur: /node/croala/150713.
630. [629.] In Afrae impudentis libidinem.Qua se cunque tulit, foedum fert Afra lupanar, Prodens nequitiae signa pudenda suae: Turba procax, teneri circum densantur amantes, Occursant cupidis lumina luminibus, Effroenis tumido gliscit sub corde libido, Extremum quae mox proruat in facinus. Sic olim Actaea, credo, se Thais in Urbe Spectandam populi densa per ora dabat. Proh, pudor! Inversi nullo, proh, vindice mores! Haec cernes? Haec tu, Martia Roma, feres?