CroALa, 2024-04-29+02:00. Nodus 1492675 in collectione croala.
Functio nominatur: /node/croala/1492675.
Conventio intra reges Poloniae et Borussiae.Sed et elector Saxoniae ac una Poloniae rex cum Borussiae rege sic transegit, ut:
1mo. Saxonia tota sub deposito Borussiae Majestatis remaneat.2do. Regina cum remansis secum Dresdae provideatur.3tio. Arx Koenigstein neutrarum partium maneat.4to. Rex Poloniarum cum duobus principibus Xaverio et Carolo, aulae item ministro Brühlio in Poloniam liberi ac debita cum provisione transeant etc. Quibus sic constitutis et pactatis die 17. Octobris Saxonicae copiae, fame victae, regis Borussi arbitrio se permiserunt, et a Borussiae rege gregarius miles a sacramento debitae Saxonicae Majestati fidelitatis absolutus est. Die autem 22. ejusdem Octobris, insalutata Dresda, rex Poloniarum cum praeattactis in Poloniam abiit.