CroALa, 2024-04-28+02:00. Nodus 148430 in collectione croala.
Functio nominatur: /node/croala/148430.
544. [543.] De Quinti arrogantia."In puteo verum", dixit Democritus; id tu, Ceu pateat claro in lumine, Quinte, vides. Nec metus, incautum ne quis malus auferat error, Ne quid te falsis ludat imaginibus, Nil usquam dubitas, aperis rerum omnia, qualis Arcano Phoebi Pythia de tripode. Hinc sapiens stultis fortasse videre, sed illis, Qui sapiunt, stultus ne videare, cave.