CroALa, 2024-04-29+02:00. Nodus 145631 in collectione croala.
Functio nominatur: /node/croala/145631.
443. Ad Postumum de Varo inani amico.Varus amat blando vultu, blandaque loquela, Et blandis tantum, Postume, te manibus. Id satis esse putat, vere ut se Thesea possit, Teque suum ut vere dicere Pirithoum. Quaere fidem, officium, quidquid re jungit amicos, Quidquid id est, nugas, verbaque vana putat. Postume, tu tali socio laetaris? Imago Dulcis amicitiae te levis ista capit?