CroALa, 2024-04-29+02:00. Nodus 1451852 in collectione croala.
Functio nominatur: /node/croala/1451852.
XXVII.
Illyr. Odnjelabimu u kgljunu svraka bichje,a nebi ni Deva chjudinu.
Ejus possessionem rostro Pica; at indolem
malam neque Camelus ipse ferret.
Male gloriosus.
Cum praedicaret de suis verbosius Mamurra quidam praediis (quae praedia Dimidio in horae circuire Cochlea Tardigrada possit) audiebat auribus Illum vacivis multitudo credula, Beatiorem caeteris mortalibus Rata, cui obtigissent tanta latifundia. Aderat in illa forte tunc frequentia Critias, qui et agros, et Mamurrae noverat Sic impudenter gloriantis indolem. Hic, postquam ab oculis Thraso discessit suis, Scitote, dixit, quod quae in astra laudibus Tot ille evexit Pica rostro praedia Ferret, gravem hominis nec Camelus indolem. Qui legit, imago quos adumbrat haec, videt.