CroALa, 2024-04-29+02:00. Nodus 1433990 in collectione croala.
Functio nominatur: /node/croala/1433990.
VII.
Illyr. Kuchjamse, i basctinam isctu godiscta;a mudar cjovjek sveghje mlad.
Domibus, et vineis aetas inquiritur;
at homo sapiens semper viget.
Homo dives, et Praeco.
Domum, adjacensque venditurus praedium Senex sub hasta posuerat, cum divite Vir censu utrumque comparare gestiens Praecessit alios; isque conspecto sene Incani capitis, et tremulos arundine Regente gressus, confidenter quaerere, Aetate quantum processisset. Futiles Ut praeco nugas garrientem intelligit, Quaere potius, ait, quota sit aetas vineae, Domusque; id etenim scire te juvat, senis Non hujus annos, mente namque dum bona Senes fruuntur, corpore et effoeto vigent. Sapiens senectae incommoda aut sentit minus, Aut illa saltem sustinebit fortius.