CroALa, 2024-04-28+02:00. Nodus 1430399 in collectione croala.
Functio nominatur: /node/croala/1430399.
XXXVIII.
Illyr. Da nebj Orla, aerghjavo-bismo proscli.Nisi adfuisset Aquila, de nobis actum fuisset.
Milvus, et Passeres.
Milvus per auras insecutus Passerum Agmen jam aduncis avolantem segnius Pene arripuerat unguibus passerculum. Superior Aquila, quae parabat Milvio Dolos, opacis desuper se e nubibus Horrendo in illum concitavit impetu, Vanoque questu perstrepentem strangulans Eviscerare coepit: ut periculum Evasit illud Passer, ad socios volat Adhuc timentes; namque se a tergo putant Ferocem habere Milvium haud ausi retro Oculos referre; cumque fessi in intima Densae abdidissent se cupressus brachia, Passer sodales adsecutus, ponite Metum, inquit: Aquila quae praedavit Milvium Nos ab voraci liberavit alite. Infirmiorem dum virum insequitur potens, Potentioris non semel periit manu.