CroALa, 2024-04-29+02:00. Nodus 1420704 in collectione croala.
Functio nominatur: /node/croala/1420704.
VII.
Illyr. Recce Deva: sctosi u menni pravo ughledo?Dixit Camelus: quid in me rectum animadvertisti?
Camelus, et Vulpes.
Primo Cameli corpus ut Vulpecula Immane vidit, pene liquit spiritum Metu, rata animum respondere corpori. At mox eundem ad genua dum advolvi videt Homuncionis, et exhibere jam latus Oneri, appropinquans liberius haec quaerere: Cur bina dorso prominerent in suo Tubera? quid ipsi gibber esset pectori? Vulpem Camelus sentiens tantum has suo Deformitates adnotasse in corpore, Silentioque praeterisse caetera, Haecne ergo, dixit, vitia tu tantum, soror, Majora cernis? Per tuum at te oro caput, Dic, cum me in omnem rite partem inspexeris, Quid non abnorme, distortumque videris? Hunc saepe multis deprehendes obrutum Vitiis, in quo unum pervidebas antea.