CroALa, 2024-04-29+02:00. Nodus 141391 in collectione croala.
Functio nominatur: /node/croala/141391.
323. Joannes Philippo eum laudare nolenti.Qui laudas alios, cur me laudare merentem Abnuis, ingenio victe Philippe meo? Magnus ego ni sim, parvus dicare, necesse est, Tu, quem cantando vici ego magnifice. Crede, tuae si vis laudi servire, locato Carminibus coeli me super astra tuis. Victori victus quantum largitur honoris, Opprobrii tantum detrahet ipse sibi.