CroALa, 2024-04-29+02:00. Nodus 1403421 in collectione croala.
Functio nominatur: /node/croala/1403421.
387. DE TRANSLATIONE IOANNIS EPISCOPI VARADIENSIS IN ECCLESIAM STRIGONIENSEMPangite laurigerae, laetum Paeana, sorores, Festius et solito, Calliopea sonet. Metropolitanae supremum sedis honorem, Dat Princeps domino, dat pia Roma, meo. Haec vox per populos immensi transeat orbis, Vox haec a terris sidera summa petat. Cedat Strigonio Varadinum, Chrysius Histro, Sit patrum primus, qui modo quartus erat.