CroALa, 2024-04-29+02:00. Nodus 1402872 in collectione croala.
Functio nominatur: /node/croala/1402872.
372. DE CAPTIVITATE DRAGULAE WAIVODAE TRANSALPINI Dicite, Io Paean! captus fert vincla tyrannus, Si modo non falsum publica fama sonat. Dicite rursus, Io Paean! et carmina festis, Pierides Nymphae, iungite festa choris. At tu, cui nullo decus hoc cum sanguine venit, Ut quid iam medio frigore victor abes? Hoc unum cuncti te supplice voce rogamus, Redde tuos vultus, rex venerande, tuis. Sin populi nil vota movent; hoc sponsa precatur, Hoc genetrix; an et his, dure, negare potes?