CroALa, 2024-04-29+02:00. Nodus 1402589 in collectione croala.
Functio nominatur: /node/croala/1402589.
364. COMPRECATIO DEORUM PRO REGE MATTHIA IN TURCOS BELLUM PARANTE Rex pia Matthias in Turcos signa resumit, Nunc age de toto numina adeste polo. Da clavam, Alcide, iuveni, da, Phoebe, sagittas, Mars, gladium; Pallas, Gorgona; Castor, equum. Mulciber arma para non ullis pervia telis, Qualia Pelidae, Dardaniove duci. Hunc inter pugnae certamina, vulnere ab omni, Aegide praetenta, Iuppiter, ipse tegas. Quodsi lenta iuvant residis vos otia vitae, Solum siderea, mittite ab arce patrem. Sufficit ille suo custos in praelia nato, Ille modo in coelo missile fulmen habet.