CroALa, 2024-04-28+02:00. Nodus 1402277 in collectione croala.
Functio nominatur: /node/croala/1402277.
355. EPITAPHIUM IN LAZARUM MARCHIONEM MALASPINAM Gente Malaspina deducens Lazarus ortum, Hac cubat in parva contumulatus humo; Qui quondam viridis primaevo in flore iuventae Mortis inaudito procubuit genere. Cum famulo nitidis sese exercebat in armis, Nec galea, ut famulus, tempora tectus erat; Curritur, et falsum pugnae certamen initur: Corruit inflictis unus et alter equis; P ars galeae anterior iugulum perrupit herilem, Dum famulum praeceps desuper urget herus.