CroALa, 2024-04-29+02:00. Nodus 1401319 in collectione croala.
Functio nominatur: /node/croala/1401319.
328. DE CORPORIBUS MATHEMATICIS Punctum sit, cuius non possis sumere partem. Extento gracilis decurrat linea puncto. Inde superficiem geminato linea tractu Efficiat, nullo pateat quae lata profundo. Bina superficies solidi vim corporis edat, Quod longo, et lato dimensum constat et alto, Tessera, seu cubus, seu quadrantale vocatum; Quod promtum semper quovis consistere iactu, Sena superficies, octonus et angulus ambit.