CroALa, 2024-04-29+02:00. Nodus 1401053 in collectione croala.
Functio nominatur: /node/croala/1401053.
322. IN BASINUM PARMENSEM DE HESPERIDE AB EO COEPTA IAM DUDUM ET NON DUM FINITAPagina cum longo pridem tua certat Oreste Longius aut ipso si quid Oreste fuit. Parcere iam sacro debes, Basine, furori, Iam dudum requiem fessus Apollo petit! Qualis, io, Latiis ea lux fulgebit in oris: Quantus in Aonio vertice risus erit! Hesperis illa tuas quotiens compassa lituras, In populi veniet conspicienda manus! Non metuet scombros, sed thuris plena Sabaei Ante deos omnes stabit et ante deas.