CroALa, 2024-04-29+02:00. Nodus 1397799 in collectione croala.
Functio nominatur: /node/croala/1397799.
232. MARTINO PHILECTICO Magna tuis ficis scribis me bella minari! Nescio quid de me suspicionis habes. Non vox nostra tibi, non lancea missa duellum Indixit, pugne nullaque signa dedi. Si quis avet tecum certamen inire vorandi, Adversus illi dentibus hostis eas! Me parce ad tales, Martine, lacessere pugnas, Dedecet ingenuos vincere ventre viros.