CroALa, 2024-04-28+02:00. Nodus 1396674 in collectione croala.
Functio nominatur: /node/croala/1396674.
195. PRO CONVIVIO, AD PHILIPPUM BIBIUM Quas tibi pro tanto referemus munere grates? Quae dabimus meritis praemia digna, tuis? Tu decus es Bibiae lumenque propaginis ingens, Tu patriam insigni laude sub astra feres. Urbs Genuae semper tanto exultabit alumno, Et quondam Idaliae Cypros amata Deae. Rerum opifex summus tibi det quaecunque rogabis, Et tribuat factis praemia digna tuis.