CroALa, 2024-04-29+02:00. Nodus 1396258 in collectione croala.
Functio nominatur: /node/croala/1396258.
181. EIUSDEM AD EUNDEM Desine, quaeso, meas, Aenea, poscere Musas Auribus et dignas esse putare tuis. Non radios Phoebus Lunari sumit ab umbra, Nec petit a rivis maxima Tethys aquas. Adde, quod Italiae veni novus hospes ab oris, Nec, si quod lusi, me comitatur opus. Ipse tuos potius nobis transmitte libellos, Nec dubites , censor non ero, lector ero.