CroALa, 2024-04-29+02:00. Nodus 139513 in collectione croala.
Functio nominatur: /node/croala/139513.
268. De Cinnamo poeta malo ac superbo.Eximium jactat se vatem Cinnamus, urbem Per mediam fastu plenus et ingreditur, Nec digne credit laudari scilicet, ipsi Laude illum ni quis Moeonidae anteferat. Hujus ut audivi carmen: proh, Juppiter, inquam, Quam caret ingenio! Quam prope mente caret! Quam malus est vates! Quam nullo dignus haberi, Primo qui dignum se putat esse, loco!