CroALa, 2024-04-29+02:00. Nodus 138165 in collectione croala.
Functio nominatur: /node/croala/138165.
231. De Virgiliana lectione a Lucio interpellata.Carmina divini mecum mea Lyda Maronis Dum legit, Hyblaeo dulcia melle magis, Lucius, heu, venit subito, nugasque, loquaxque Ambos garritu perdidit illepido, Ipse suas laudes, sua factaque, dictaque narrans, Insulsum ostentans multus et eloquium. Et potui hunc geminas tam lentus ferre per horas! Et potui bili ponere jura meae! Profuit exemplum Lydae; quemque illa ferebat, Me puduit dici, non potuisse pati.