CroALa & LatTy: nodus

Nodus 137411 in documento kunic-r-epigr.xml

211. Ad Fabullum, beneficia exprobrantem. Nil bene de me unquam, studeo, mereare, Fabulle Fabulle] corr. ex Fabelle , Es nimium meriti nam memor usque tui. Et quidquid cuivis fecisti forte benigne, Id tibi magniloquo semper in ore sonat. Hoc mihi ego metuens caveo, semperque cavebo, Dent tua mi magnum ne benefacta malum. Magniloquus mihi ne fias, quem, non sine risu, Et stomacho, multis magniloquum video.