CroALa, 2024-04-29+02:00. Nodus 137341 in collectione croala.
Functio nominatur: /node/croala/137341.
209. In aedificatorem.Aedes regali pergis dum condere sumptu, Effundis patrias, Cinname, divitias. Prodigus hoc uno, vita hinc at parcus in omni, Atque tibi foede sordidus atque tuis. Istas in cinerem di vertant, inque favillam aedes, pestem omnem tabificam officii; Istius et fontem, nimiis a sumptibus orta Quae te, quaeque tuos perdit, avaritiae.