CroALa & LatTy: nodus

Nodus 1364712 in documento didacus-p-cato.xml

Marini Georgii Epitaphium Coenatus hilare, et sobrie Georgius Dormitum abivit, at perennem dormiit Noctem misellus, nec revisit amplius Solis supernum lumen, et laetum diem. Vere est, ut olim dicitur proverbio, Homo liquescens bulla, et umbra somnii. At nunc sodali (pro dolor) lectum, et faces Parant sodales, funebremque naeniam.