CroALa & LatTy: nodus

Nodus 1364381 in documento didacus-p-cato.xml

Marulli Epitaphium E tripode hoc Phoebus, sortem quaerente Marullo, Si cupit hic longum vivere, vitet aquas. Vitat aquas ergo. nec traiicit aequora, quamquam Strata silent, quanquam spirat et aura levis. At perit infaelix Caecinnae extinctus in unda, Sic dum fata fugis, fata subinde petis.

Marco Marullo homini Graeco, et magni nominis Poetae, Genethliaci fatalem aquam praedixerant. Mare itaque de industria vitabat, et cum Florentiae Graecas doceret, ut Venetias iret, ne paludes illas navigaret, adduci non poterat. Demum Caecinnae Volaterrani fluvioli undae extinctus, sortem adimplevit.