CroALa, 2024-04-29+02:00. Nodus 135931 in collectione croala.
Functio nominatur: /node/croala/135931.
171. In Aeglen superbam.It subnixa Aegle, vesano et turgida fastu, Delapsam et coelo se putat esse deam. Ante omnes formosa alias, mira, indita, saecli Fama sui et sexus gloria foeminei; Haec auditque avide, ventoque inflatur inani Semper adulantum credula blanditiis. Eximias sic dum sibi laudes arrogat, ipsum Si quid erat laudis perdidit exiguae. Et cunctis potuit modice quae visa placere, Qua se cumque tulit, displicet immodice.