CroALa & LatTy: nodus

Nodus 1357264 in documento didacus-p-cato.xml

Ad Torquatum, et Nannium fratres. Ne vero Torquate animum, neve optime Nanni Conficite ingratis sollicitudinibus. Si spes frustrata est, si cassa, atque irrita vota Per mare, per terras diripuere Noti. Num scelus, aut crimen? vestrum est. Num denique magnum Flagitium? Hoc animis absit ab ingenuis. Vos patriae, et charis operam praestatis amicis. Atque hic vester amor, dulcis, et usque labor. Nullaque quod Momo vincam vel iudice, vobis Vel sine linea abit, vel sine laude dies. Qui facinus fecere, olim fors dicere fas sit. Nunc digitum labris admovet Harpocrates. Si sua virtuti sunt praemia, credite fratres, Et vos illa manent. nam meruisse sat est.