CroALa, 2024-04-29+02:00. Nodus 1357052 in collectione croala.
Functio nominatur: /node/croala/1357052.
Ad Riccium iratum.Ni te perdite amo, et cupio procedere cuncta Atque tibi, atque tuo candida Ricciolo. Ni Sardo, et Sardi cupio male filio, et istis Importuna quibus credita Arestia vox. Iratus habeam Musas, et quidquid ubique est Numinis, in quo spes vatibus esse solet. Et te praecipue, cuius ni mitior aura Spiret, plectra iacent, et mea muta lyra est. Sed tu plus aliis me tibi credis, et in me Horribile, atque minax scribis epistolium. Verum, et epistolium, et tristes patietur Iambos Certus in antiquo Pyrrhus amore mori.