CroALa, 2024-04-29+02:00. Nodus 135622 in collectione croala.
Functio nominatur: /node/croala/135622.
162. Ad nebulonem, effutientem, quae in buccam venerint.Dic quaecumque placet, lauda, culpave; movemur Nil, damus aeriis et tua dicta Notis. Fulsa etenim veris misces, utcumque tulit fors, Atque vigil narras somnia, Quinte, mera. Perge; carent quae verba fide, non verba putamus, At strepitum, vanos et sine mente sonos, Nec longo et vario quidquam sermone docemur, Hoc praeter solum: quam levis es nebulo!