CroALa, 2024-04-28+02:00. Nodus 1355854 in collectione croala.
Functio nominatur: /node/croala/1355854.
In Hypocritam.Qui fur nuper eras, et adulter Galle videri Alter Aristides, Hippolytusque cupis. Nam dum templa subis Divum, suspiria longum Ducis, et adsiduo murmure labra moves. Spargeris et lachrymis, et figis lumina terrae. Tardus et incedis iussus abire domum. Galle senex mutat vulpecula cauta colorem, At remanent mores, et vetus ingenium.