CroALa, 2024-04-28+02:00. Nodus 135482 in collectione croala.
Functio nominatur: /node/croala/135482.
158. Ad Postumum verbosum.Multis pauca soles effari et dicere semper, Quidquid ais, longo, Postume, circuitu. Quaere alium, tibi qui faciles jam praebeat aures, Atque istas lentus perferat usque moras, Nolo ego vexari, curvisque amfractibus illuc Semper agi, recta quo licet ire via. Nolo animi pendere miser, sententia dum tot E verbis tandem futilis extiterit.