CroALa & LatTy: nodus

Nodus 1353422 in documento didacus-p-cato.xml

Ad Mamertinam Chloen. Mamertina Chloe verpi lasciva iuvenca Perque Deos omnes obsecro, perque Deas. Cum Caecinna meus noctem te postulet unam, Cur adeo averso pectore dura negas? An non ore probo iuvenis, non indole rara, An non ingenuis creditur ortus avis? Quinetiam Musis, et Phoebi cognitus antris Non iniucundum carmen et ipse facit. Ille tuum nomen late diffundet in aevum. Diceris flavis pulchra puella comis. Risisti? quid tum? donent tibi culta poetae Carmina, donet opes verpulus iste tuus.