CroALa, 2024-04-29+02:00. Nodus 1353057 in collectione croala.
Functio nominatur: /node/croala/1353057.
De urbe Rhacusa ab egregio pictore expressa.Hoc quodcunque vides hospes, quae magna Rhacusa est. Expressit paucis ingeniosa manus. Virginis hoc templum est, haec ingens Curia patrum, Hic pius aurata Blasius arce sedet. Hic saliunt vivi latices e virgine cruda. Excipit hic cives area lata suos. Hinc pater Hispanus, pater illinc astat Etruscus, Proxima sorte tenet templa pudica soror. At qui de niveo stat marmore Gallicus Heros, Pacatum fertur restituisse mare. Huius ab adverso surgit Doctore Camillo, Et tot discipulis nobile gymnasium. Dive senex nostrae spes, et tutela salutis.Annue, et haec populo fac rata vota tuo. Sit bona libertas, sit pax, sit copia frugum. Cur ego parva petam, si dare magna soles?