CroALa, 2024-04-29+02:00. Nodus 1334839 in collectione croala.
Functio nominatur: /node/croala/1334839.
Ariae Montani Theologi Hispalensis.Christus in hoc certe est, Christus Deus ipse libello. Ille lyram vatis temperat, ille regit. Ille Deus pueris mores effingit honestos, Format et os tenerum, blandaque verba docet. Utque recens virtus venientes crescat in annos, Ire iubet puerum, quo vocat illa Dea. Neve vetus serpens humanae labis origo Impediat cursum, fit comes ipse viae Faelix, cui talis comes, et custodia talis Contigit. audacter quolibet ire licet. I, puer, i, faelix aderit tibi Christus eunti, Vagiit in cunis, et puer ille fuit.