CroALa, 2024-04-28+02:00. Nodus 133410 in collectione croala.
Functio nominatur: /node/croala/133410.
100. Ad Aulum insulse jocantem.Parce joco, talem non te decet, Aule, jocari; Frigidus insulso prodit ab ore jocus. Nemo tibi arridet, nemo non dicta moleste Fert tua et invitis excipit auriculis, Nemo, unus fatuos tollis dum saepe cachinnos, Non altum irato pectore dat gemitum. Parce joco, parce, o, tandem, tacitusque sedeto, Si potis es; moestum dic aliquid potius; Hoc potius: gravis est mala naenia; sed tamen omnis Est magis, Aule, tuo naenia grata joco.