CroALa, 2024-04-28+02:00. Nodus 131424 in collectione croala.
Functio nominatur: /node/croala/131424.
11. Ad ineptum rempublicam administrantem.Nempe tumes, rerum tractas quod multus habenas, Nullaque non per te publica res geritur. Id levis ostentas; nec te pudet, improbe, pessum Quod male das, per te tam male quod geritur. Quas geris, Aule, nequis rebus prodesse: gerendis Abstineas rebus denique, ne noceas. Hoc tibi turpe putas, multo est at turpius istud, Perdi opera assidue teque tuosque tua.