CroALa & LatTy: nodus

Nodus 131222 in documento kunic-r-epigr.xml

5. Ad Corvinum, rogantem, quid scriberet. Quaeris, quid scribam? Tibi nil, Corvine; venusti Cui nullus fatuo in corpore sensus inest, Cui fragor et strepitus tantum, cui verba probantur Deducta in longum grandia sesquipedem; Quasque malo ampullas ebullit comitus oestro Daphnis Romana magnus in Arcadia. Is, Corvine, roga, quid scribat: parce rogare, Quid tenui dictet mi mea Musa sono; Quid soli scribam Lydae, qua judice malo Esse aliquid, toto judice quam populo.