CroALa, 2024-04-29+02:00. Nodus 128872 in collectione croala.
Functio nominatur: /node/croala/128872.
351. [348.] Anchises Troja excedens.Dii patrii, densos vestra en simulacra per hostes Haec ego et e mediis ignibus eripio, Vos natumque, nurumque meam, parvumque nepotem Eripite e duris casibus incolumes, Et date mansurasque domos, vastandaque nunquam Saevorum bello moenia Grajugenum. Haec mihi sollicitat mentem unica cura meorum; Ipse mihi nam, dii, quid metuam aut cupiam, Qui jam postremo languens in fine senectae Nec felix possum, nec miser esse diu?