CroALa, 2024-04-29+02:00. Nodus 126644 in collectione croala.
Functio nominatur: /node/croala/126644.
280. [278.] Ad Pretum, viarum Romae praefectum.Prete, vias mire curas: hoc te super astra Omnes certatim laude ferunt merita; Omnes, dempto uno, quem nolo dicere, verso Qui lapsare suos pulvere clamat equos. Tu sine, lapsantes frangant vel crura, caputve, Illos ni melior denique rector agat. Turpe tibi fuerit, versa in convicia laude, Si dicare homini praeposuisse pecus.