CroALa, 2024-04-29+02:00. Nodus 126197 in collectione croala.
Functio nominatur: /node/croala/126197.
268. [266.]De navi aeria epigr. VII. De navi aeria.Radelja Scire piget, vitae quos duci possit ad usus Cymba recens nubes acta per aerias. Scire sat est, coeli vectum sub caerula templa Isse leves inter tandem hominem Zephyros. Scire sat est, fieri quod numquam posse putatum est, Humano effectum denique ab ingenio. Scire sat est, tot post laudum decora ampla tuarum, Hoc tibi partum uni, Gallia pulchra, decus. Eximium decus et cunctis memorabile saeclis, Desit ut, haud deerit quae tamen, utilitas.