CroALa, 2024-04-29+02:00. Nodus 125596 in collectione croala.
Functio nominatur: /node/croala/125596.
249. [247.] Ad Gelliam, de stabili erga eam benevolentia.Pulchra places aliis, sapiens mihi. Non ego formae Damna tuae, annorum non ego vim metuo. Grata quidem es juvenis, fies et gratior olim, Longa dies cum te, Gellia, reddet anum. Quippe sequor; sero quod non marcescit in aevo, Quod, flos aetatis cum perit iste, viget.