CroALa, 2024-04-28+02:00. Nodus 122371 in collectione croala.
Functio nominatur: /node/croala/122371.
158. [156.] Ad Clementem Franciscum Bavariae ducem, inter Arcades cooptatum.Arcadiae rupes, Romanaque Moenala, vatum, et Sanctarum sedes ardua Pieridum, Et virides ripae subter, Tiberinus et almo Qui virides ripas perfluis amne pater, Gaudete. Ille artus regum de sanguine Clemens, Carminis ille artem doctus Apollinei, Quamque probat Mavors artem et Tritonia Pallas, Arcadio dici nomine pastor amat. Jamque aderit, jam vos lustrabit, rura beata, Pastoresque inter sylvicolasque deos Percurret patruus quam trivit Coesar avenam, Phoeboque et patruo Coesare digna canat.