CroALa, 2024-04-29+02:00. Nodus 122163 in collectione croala.
Functio nominatur: /node/croala/122163.
154. [152.] Ad Grimaldum catholici regis oratorem.Nos, Grimalde, tibi multum debere fatemur, Queis laeti currunt, te tribuente, dies. Quique solet tacita maerere autumnus in urbe, Albanas gaudet vincere laetitias. Per te spectaclis gaudemus; tu tamen isto Isto hilari vultu gaudia prima facis. Dulcius hoc multo spectaclis omnibus unum: Te laetum nostra cernere laetitia.