CroALa & LatTy: nodus

Nodus 1192017 in documento marul-mar-repert.xml

METHAMORPHOSES Sapientia. Argus centoculus, Aristoris, a Mercurio cantu fistulę sopitus et interemptus I. Perseus Minerua, id est sapientia sibi fauente Medusę, quę homines aspectu uertebat in silicem, caput abscidit IIII. Dedalus labyrintum fugiens e Creta uolauit in Ciliciam VIII. Protheus, ut sibi insidiantes eluderet, in diuersa uertebatur VIII. Thetis, ut Peleum XI. Periclimenes, ut Herculem XII. Superbus. Gygantes I. Pentheus Bacchi sacra contempsit; a matre et sororibus est interemptus. Tyreni naute Bacchum puerum rapuerunt; monstris territi in mare se pręcipitant III . Mineides sacra Liberi contemnunt; uertuntur in uespertiliones IIII. Pyeri filię in picas, ausę cantu cum Musis contendere V. Marsyas nudatus et excoriatus, dum cantibus se pręponit Apollini VI. Chione Diana se formosiorem dixit et ab ea sagittam in lingua excipiens periit XI. Secretum. Coruus secretum prodidit, et ex candido factus est niger. Cornicem eadem de causa Minerua a se alienauit. Bathus quoque in lapidem indicem mutatus II. Ascalaphus indicauit Proserpinam mali Punici granum gustasse; uersus est in bubonem V. Famulus Mydę facta scrobe os inferens immurmurauit, uitium domini cęlandum esse, arenaque rursum operuit. Sed inde harundines natę collisionis sono secretum uulgarunt XI. Somni filius Morpheus Alcyonę maritum Ceicem absentem sollicite de eius salute naufragio periisse ostendit XI. Senex. Medea Esonem senem herbis reduxit ad iuuentam VII. Mestra speciosa in piscatorem senio procliuem a Neptunno mutata seruitutem euasit VIII. Iolaus et Calyroes filii ex pueris statim adulti IX. Sybillę anni arenę numero comparati XIIII. Solis equi: Pyrrous, Eous, Ethon, Phlegron II. Suspicio. Pyramus amictum Thysbes cruentatum reperiens putauit illam a fera deuoratam et prę dolore mortem sibi consciuit. Athamas in siluis Learcum filium feram ratus occidit IIII. Egeus Theseum filium, dum ut hosti aconitum propinat, agnouit et excusso poculo a mortis aditu retraxit. Procris zelotippa maritum Cephalum in siluis uenantem obseruans pro fera iaculo interimitur. VII. Cyparissus ceruum suum mansuefactum in siluis nactus sagitta confixit. Quo agnito dolens defecit X. Solitudo. Esacus sub monte Idę educatus urbanum apparatum siluis ac labori pręposuit XI.