CroALa, 2024-04-29+02:00. Nodus 118639 in collectione croala.
Functio nominatur: /node/croala/118639.
66. [64.] Ad Pium VI. Pontificem Maximum, ad agrum Pomptinum invisendum se ferentem.Magnanimus fert se Pomptinum Sextus in agrum, Atque suum praesens visere gestit opus. Magnum opus, haec mirans aetas quod suspicit, aetas Omnis quod semper postera suspiciet. Laetus eat, laetus maneat, redeatque, beatos Ab se se fieri gaudeat et populos. Scilicet eximiis haec regibus una voluptas Pro cura et factis redditur eximiis.