CroALa, 2024-04-29+02:00. Nodus 118208 in collectione croala.
Functio nominatur: /node/croala/118208.
54. [52.] De Pio VI., Vindobonam eunte.Saevit hyems; gelidas festinat Sextus ad Arctos, Pro caro vitam devovet ille grege: Ille, sacrum, ne quid perdatve, aut laedat ovile, Nulla timet forti mente pericla sequi, Nec dubitat glaciem et gelidas calcare pruinas, Ire nec aggesta per juga tecta nive. Hoc satis est mi scire unum: quocumque cadant res, Qui facit hoc, pastor noscitur esse bonus.