CroALa & LatTy: nodus

Nodus 117007 in documento kunic-r-epigr.xml

21. [20.] Vide aliud sub n.o 22. Radelja Ad Phosphorum, de Clementis XIII. regno inito. Exere purpureo flavum caput, exere ab ortu, Lucifer, auroramque antevolans, niveum Redde diem, triplicis quo regni coepit habenas Clemens et magno maximus in solio Consedit. Dextra mitis clementia; laeva Adstitit elato torva Themis gladio, Concordes divae, sacri comes utraque regni. Quae simul ut longo res hominum imperio Utraque diva regat, referas, bone lucifer, almam Hanc lucem ad multas clarus Olympiadas.