CroALa & LatTy: nodus

Nodus 1159250 in documento marul-mar-repert.xml

METHAMORPHOSES Pudicicia. Daphne, Penei filia, nec prece nec precio corrupta. Vt uim Apollinis effugeret, in laurum est conuersa deorum auxilio; Syringa uirgo, ne a Pane uitiaretur, in arundinem I. Calisto Iouis precibus non cessit; ui et astu uicta est. Cornix, ne a Neptunno uitiaretur, in auem sui nominis uersa uirginitatem non amisit II. Diana uitę illius non pepercit qui casu tantum nudam uidit, ne eloqui posset. Narcysus Echo nympham contempsit, suapte forma captus extabuit III . Diana et Proserpina connubia spernentes. Arethusa Alpheum fugiens Dianę implorauit auxilium V. Diana urgente Nesso inclamauit suum Herculem. Caunus illicitos sororis Byblis stimulos non ferens patriam deseruit atque illa ubique sequente multa peragrauit loca IX. Pygmaleon statuit cęlebs permanere; postea captus est forma simulachri eburnei X. Iuppiter Thetim quidem amauit, sed ab ea abstinuit, quia natum paritura erat patre fortiorem XI. Picus, ut fidem Cannenti uxori seruaret, Circem contempsit. Pomona Vertumnum fugiens, Anaxarates Iphim XIIII. Hypollitus uirginitatis custos, a morte ab Esculapio suscitatus, a Diana in ętatem grandiorem statim promotus dictusque Virbius et in ualle Ericina collocatus XV. Pietas. Mestra, ut patrem Eristonem alere posset, in seruitutem se redigebat et in uarias formas mutata eludebat dominos VIII. Theletusa Lygdo marito iubente, si puellam peperisset, necaret, Iphim filiam pro filio nutriuit. Propterea, ne fallax in uirum argueretur, Isis dea illam in puerum mutauit et Ianthis nuptiis copulauit IX. Dedalion in Chiones filię rogo se iacere non permissus de Parnaso se pręcipitauit XI. Orionis filię pro populo Thebano immolari passę sunt XIII. Pauper. Iuppiter et Mercurius Philemonis et Baucidis hospitiollo delectati beneficia in illos contulere. Mestra famem patitur; pro ancilla uenit VIII. Partus. Bacchus Semeles mortuę utero exemptus Iouisque femori [exemptus] insertus expletis mensibus nutriendus traditur nymphis Nysam, montem Indię, frequentantibus III . Celinus, Adamas, Curetes ex imbribus creati IIII. Hermaphroditus ex Mercurio et Venere. Ex sanguine capitis Medusei in Affrica serpentes nati. Ex utero Medusę Pegasus cum pennis exiuit IIII. Amphion ex Niobe septem filios et totidem filias habuit. Latonę partus difficillis ira Iunonis VI. Archidamanta 10 uidit columbam ex filia procreatam VII. Alcumenę partus difficilis. Mustella ore parit. Lucina uel Elicia 11 parientium dea. Ciane 12 Mileto genuit Biblim et Caunum IX. Poetę. Ex Medusa, Phorci filia, Pegasus equus. Inde Helicon unda Phorcinidos, id est Medusę IIII. Musę uim Pyrenei euaserunt in uolucres uersę. Cantu superarunt Pyeri filias et eas uerterunt in picas V. Apollo tibiis Marsiam VI. Caput Orphei Apollo tutatus a morsu serpentis. Pana fistulę cantu uicit iudice monte Thmolo 13. Mydam dissentientem auriculis asini damnauit XI. Pythagorę Samii opiniones et sententię XV. Perfidia. Arne patriam Athenas prodidit. Scylla patriam et patrem Nysum 14 VIII. Nessus Deianiram ab Hercule sibi commissam comprimere uoluit VIIII. Polinestor Polidorum a Priamo sibi creditum occidit XIII. Tarpeia uirgo patriam prodere uoluit Sabinis XIIII. Promissum. Laomedon Ilio condita Apollini et Neptunno conditoribus aurum promissum denegauit. Ob hoc Neptunnus agros eius undis obruit, Hesionen filiam marinę belluę obiicere coegit. Ipse autem liberatori filię Herculi equos pollicitos dare noluit, sed ille expugnata Ilio raptam Hesionen Thelamoni socio tradidit XI. Peregrinatio. Io in uaccam [uersa] 3 terras peragrauit Furiis agitata I. Fratres missi quęsitum sororem Europam diuersas regiones peragrant III . Item Ceres quęrens Proserpinam. Eandem Syrenes, cum in terra non inuenissent, impetrarunt, ut in aues uersę quęrerent eam et in mari V. Latonam errantem nulla recepit regio. In Lydia sitienti aqua fuit interdictum VI. Biblis fratrem fugientem sequens Venere illicita ardens multa peragrauit IX. Perseuerantia. Agenor filios misit quesitum Europam filiam, hac lege, ne redirent nisi inuenta III .