CroALa & LatTy: nodus

Nodus 1115570 in documento marul-mar-repert.xml

METHAMORPHOSES Lis. Phineus in nuptiis Persei rixatus in saxum cum suis uertitur V. Contentio Mineruę cum Neptunno circa nomen urbis Athenarum V. Iason a Medea monitus inter armatos iecit lapidem, et ipsi inuicem digladiantes mutuis ictibus conciderunt VII. Lis inter Aiacem et Vlixem de armis Achillis XIII. Liberalitas. Hercules moriens reliquit sagittas Philocteti, qui una earum cadente grauiter in pede uulneratus fuit IX. Munera mutua inter Anchisem, Ęneam et Anium apud Delphos XIII. Libido. Apollo arsit uisa Daphne, Iuppiter Ione, Pan Syringa I. Iuppiter uitiauit Calistonem, Apollo Clymenen, Neptunnus Cornicem, Iuppiter Europam. Nictimene Lesbia patri ignaro se supposuit. Mercurius adamauit Hersen, Cecropis filiam II. Acteon Dianam nudam tantum uidit et in ceruum uersus a suis canibus laceratur. Semele Iouis concubitum, quo cum Iunone coit, appetiit. Maior uoluptas feminarum quam uirorum iudice Tyresia utrunque sexum experto. Echo amore Narcisi tabuit uersa in lapidem. Narcysus forma propria captus in florem uertitur III . Naias nympha iuuenes uertebat in pisces et ipsa in piscem mutatur. Sol uitiauit Leuchotoen, a quo Clitie deserta prę dolore uersa est in heliotropium. Salmacis adamauit Hermaphroditum. Hęc natura fonti mansit. Medusę crines in serpentes mutati, quia in templo Mineruę concubuit cum Neptunno IIII. Pireneus Musis uim inferre uoluit; casu elisus moritur. Dites rapuit Proserpinam. Alpheus insecutus Arethusam per subterraneos meatus ab Elide usque in Orthigiam, Sicilię insulam V. Hemus et Rhodope pari amore flagrantes. Iouis, Apollinis, Bacchi, Saturai amores. Latona persecutionem Iunonis passa ob commissum cum Ioue adulterium. Thereus propter Philomenam stupratam sęua passus. Aquilo rapuit Orithiam VI. Medeę et Iasonis amor. Cygnus, Heries filius, amore pueri se pręcipitauit et in olorem uersus est. Semper ab eo elusus, cum eius iussu pugnasset cum uolucribus, leone, tauro. Menephron more ferarum cum matre concubuit. Aurora Cephalum rapuit, et ut coniugem suam Procrim interficeret, curauit. Procris tentata prodere noluit fidem coniugii VII. Scylla, Nisi filia, Minois amore capta, Megaram, patris regnum, prodidit. Pasiphe tauro iuncta Minotaurum edidit. Ariadna Theseum a Minotauro liberauit, sed ab eodem miserabiliter relicta Libero patri copulatur VIII. Meleager amore Athalantes auunculos interfecit, ipse a matre Althea periit. Achelous Perimellem uitiauit, Neptunnus Mestram VIII. [Achilles] Achelous et Hercules certarunt pro Deianira. Iuppiter admauit Alcumenam, Byblis fratrem IX. Orpheus Euridicen, qua amissa puerilem Venerem instituit X. Apollo amauit Cyparissum et Iacinthum, Iuppiter Ganimedem. Propetides, Ametunti filię, primę uulgauere corpora in triuio ira Veneris. Pygmaleon signi eburnei forma captus. Myrrha Cynarę patri inscio se supposuit. Hyppomanes et Athalanta, cum in luco Cybellis concubuissent, ab ea in leones mutantur. Mente nympha adulterium cum Dite commisit, a Proserpina in mentam herbam mutatur X. Orpheus ob puerorum Venerem a mulieribus interficitur. Peleus Thetidem eludentem se uinculis strinxit; ex ea habuit Achillem. Esacus Epiriphemnympham insecutus; illa fugiens serpentis morsu periit, ille prę dolore in pelagus se pręcipitauit XI. Ceneis uitiata a Neptunno XII. Cyclops amore Galatheę furens siluas questu replebat. Quam ubi aspexit in gremio Athidis iacentem, illum saxo oppressit, illa in mare se pręcipitem dedit XIII. Circe adamauit Glaucum, Scyllam ab eo sibi prępositam mutauit in formam canum pubetenus. Apollo cum Sybilla, Glauci filia, concubuit. Circe, ut Vlixem retineret, socios eius in uarias formas uertit. Picum contempta in auem sui nominis mutauit. Vertumnus Pomona potitur XIIII. Labor successit sęculo argenteo. Isis dea lanigera I. Thesei labores, Minotaurus, Procustes, Geriones VII. Apollo et Neptunnus in homines uersi operas locauerunt in Ilio construendo XI. / Lex Argis uetabat patriam mutare. Mitillus in somnis monetur ab Hercule iuxta Hesereum, Italię amnem, oppidum constituere. Re per suffragia diuisa lapilli nigri in albos mutati sunt. Oppidum positum uocatum Thaliareum a Thara, Neptunni filio. Itaque legibus derogatum somni auctoritate XV. Lectio. Philomena elinguis facta manibus effinxit casum suum et intextum telę sorori misit VI.