CroALa, 2024-04-29+02:00. Nodus 110994 in collectione croala.
Functio nominatur: /node/croala/110994.
157. Ad Pollam. De Quinto, ejus manum osculari cupiente.Polla, manum serva; Quinti vita oscula, dextrae Isti quae cupidus figere multa furit; Et queritur, stulta urbanis quod moribus obstas, Nec, quo more aliae, te patiare coli. Nempe istas promit flammato e corde querelas Improbus, officii nomine tectus, Amor. Cui quae victa gerit morem, dum praebet amanti Illa manum, hoc dicit: "Duc age, laeta sequor".